Tafakari ya Paska 

Leo tunakutana uso kwa uso na Ufufuo wa Kristo, chanzo halisi cha imani na tumaini letu, kwa Ufufuo wa Yesu hutusaidia kuendelea na tumaini hata wakati wa giza kubwa katika maisha yetu. Katika Injili ya leo tumesikia kwamba Ufufuo wafunuliwa kwanza kwa Mariamu Magdalene. Kama Mitume, Mariamu hakutarajia Ufufuo. Lakini bado alifika kaburini, kwa sababu hakuweza kukaa mbali na Yesu. Mariamu Magdalene alijua kuwa Yesu amekufa. Alikuwa ameona mihemko ya askari huyo ikiivuta mioyo Yake. Alikuwa akihuzunika na Mama yetu Mbarikiwa aliposhuhudia mwili wa Mwana wake usio na uhai mikononi mwake. Na alikuwa ameuona mwili huo umewekwa kwenye kaburi. Akiwa amejaa huzuni, huzuni ya kupoteza, huzuni iliyogubikwa, alitoka alfariji ya Jumapili kwenda kaburini walikomzika. Hakufikiria juu ya ufufuo wakati anatembea njiani. Alikuwa amekabiliwa na mashaka ya mauti, imani yake na tumaini lake vilikuwa vimepotea. Kilichobaki ni upendo wake. Ni upendo huu kwa Yesu ambao unampeleka njiani kuelekea kaburini alfajiri ile tunayoadhimisha leo.

Lakini anapofika, aligundua kuwa jiwe kubwa limekwisha ondolewa. Anaona kaburi tupu. Hitimisho lake la haraka ni kwamba mwili wa Yesu ulikuwa umechukuliwa na mtu. Mara moja alikimbilia kwa wanafunzi wake ili kuwajulisha juu ya mwili wa Bwana uliopotea. Ilikuwa ni hali ambayo Mariamu alihisi asingeweza kukabiliana nayo mwenyewe. kwa hivyo akarudi mjini kuwatafuta Petro na Yohane. Mariamu ni mfano bora wa mtu ambaye aliendelea kupenda na kuamini hata wakati hakuweza kuelewa; na huo ndiyo upendo na imani ambayo mwishowe hupata utukufu. Tumealikwa pia kuwa kama Mariamu Magdalen. Wakati mwingine katika maisha yetu, hatuwezi kupata majibu kwa matatizo na shida zetu zote. kuna mambo ambayo hatuwezi kuyaelewa katika maisha yetu. Lakini kama Magdalene lazima tumwamini na kumtumainia Yesu hata wakati hatujui majibu ya shida zetu. Alipomjulisha Petro jambo hilo, Petro na mwanafunzi ambaye Yesu alimpenda walikimbia mbio kwenda kaburini. Waliona tukio lote, walielewa na waliamini katika tendo la ufufuo. Mpaka wakati huo walikuwa wameshindwa kuelewa maana ya ufufuo. Mara tu walipoona jinsi nguo zilivyotunzwa ghafla wakakumbuka mafundisho Yake na kila neno Alilosema.
Wakaanza kuamini kwamba Yesu amefufuliwa kweli kutoka kwa wafu. Wakaanza kupata kiwango kipya cha ukombozi maishani mwao. Walipata upendo usio na ubinafsi na msamaha usio na masharti. Maisha yao yalibadilishwa. Kubadilika kwa maisha ya wanafunzi ni moja ya dhibitisho wa ufufuo wa Yesu. Hawakuogopa tena kuhubiri Injili, hawakuwaogopa watu, walikuwa na ujasiri na waliamini juu ya Yesu kwamba Yesu ndiye Mwana wa Mungu pekee.

Je! Tunaweza kujifunza nini kutoka kwa Injili ya leo? Kwanza acha tuangalie juu ya jiwe lililokuwa limeondolewa. Jiwe lililowekwa kwenye kaburi lilimaanisha kuwa Yesu amefungwa ndani na Hawezi kutoka. Lakini Mungu alifanya njia mahali palipoonekana  hapana njia. Akavingirisha lile jiwe kwa nguvu ya ufufuo na Yesu akaibuka mshindi. Hiyo ndivyo nguvu ya ufufuo inavyofanya kwa kila mwamini, inaondoa jiwe. Kama Mariamu Magdalene tunaweza kuwa tunashangaa ni nani atakayeondoa jiwe kwa ajili yetu; jiwe la msongo wa maisha, jiwe la ugonjwa, jiwe la hofu, jiwe la kukata tamaa, jiwe la wasiwasi na jiwe la umaskini na jiwe lolote ambalo shetani ameweka katika njia zetu. Uwezo wa ufufuo wa Yesu Kristo unaweza kuondoa kila jiwe. Mungu atatuma malaika wake kila wakati kutulinda. Mungu atatuma malaika wake kila wakati kutuambia "Usiogope."

Pasaka inatukumbusha kwamba kila Ijumaa kuu katika maisha yetu itakuwa na Jumapili ya Pasaka na kwamba Yesu anatukumbusha tushiriki nguvu ya Ufufuo wake. Tunapaswa kukumbuka kuwa tutakuwa na wakati mgumu, lakini Mungu atatubariki pia katika nyakati za Furaha tukiendelea kumwamini. Kila wakati tunapoonyesha upendo wetu kwa wengine, tunashiriki katika Ufufuo. Kila wakati tunapokabili usaliti wa kuaminiana, tunashiriki katika Ufufuo wa Yesu. Kila wakati tunapoanguka katika majiribu tanaposhindwa kuyakwepa - lakini tukaendelea kushindana - tunashiriki katika Ufufuo. Kila wakati tunapoendelea kutumaini - hata wakati tumaini letu linaonekana kuwa halijajibiwa - tunashiriki katika nguvu ya Ufufuo wa Yesu. Kwa kifupi, ujumbe wa Pasaka ni kwamba hakuna kinachoweza kutuangamiza - sio maumivu, sio dhambi, sio kukataliwa au kifo - kwa sababu Kristo ameshinda yote haya, na sisi pia tunaweza kushinda ikiwa tutaweka Imani yetu kwake.

Ufufuo ni Habari Njema, lakini wakati huo huo, inaumiza kwa sababu inahusisha kifo. Kabla ya nguvu ya Ufufuo kushika maishani mwetu, tumeitwa kufa kwa dhambi, kufa kibinafsi. Tunaweza kufisha mambo yetu wenyewe, ili Mungu aweze kufanya kile anataka kufanya maishani mwetu. Ufufuo unahusu kuuona ulimwengu wetu kwa namna mpya. Alfajiri ya  ya Pasaka, Mariamu hakukuta maiti ya Yesu. Lakini alipata kitu bora kuliko vile alivyotarajia: Yesu Aliyefufuka. Wakati mwingine hata katika maisha yetu vitu vinavyotaka hatupewi. Lakini kama Mariamu, ikiwa tunamwamini Yesu, tunaweza kupata vitu vizuri zaidi kuliko vile tulivyotarajia. Pasaka ni ujumbe wa tumaini, Furaha, upendo na ujasiri. Kama Mariamu na wanafunzi wa Yesu, tuwe mabalozi wa tumaini, furaha, upendo na hamasa kwa ulimwengu.